Okairi-desu!

Едно од оние малку сцени кои ме смеат до солзи секој пат кога ги гледам


Sumomo - Chobits

Read More

Crossed destinies, part 3

Па, да, Дечко, во право си - the beginning of it all - xXxHoLic. Пред Natsume Yuujinchou, пред Mushishi, пред Bakenomogatari. Дури и кога ќе погледнете suggestions на MAL, тука се сите во еден кош. Иако се различни по раскажување, атмосфера, позадинска приказна и ликови, сепак...
Лично, им се восхитувам на Јапонците, бидејќи верувам дека со тие „детски хорор“ приказни што ги раскажуваат сеуште се држат за традиционалните вредности и влијанието што фолклорот сеуште го има врз начинот на размислување, па дури и така да го наречам, храбриот став што Јапонците го заземаат кон животот.

Можеби токму во xXxHOLiC тоа е најнагласено - дека не постојат случајности, се’ е припишано на судбината, неизбежноста да се случи нешто денес, за да може да се случи нешто друго во иднина. Па затоа Yuuko, Вештицата на Димензиите, ви исполнува желби, но за возврат бара од вас нешто ваше драго и скапоцено, кое не некој чуден начин во некој иден настан си го наоѓа своето место во рацете на друг сопственик. Чудна замисла на светот и Универзумот. Чудно и симпатично раскажан преку егзотеричната или мистично егзотичната Yuuko. Всушност, одличен пример на секоја девојка, и покрај хедонистичката склоност кон сакето.

Серијалот започнува кога Watanuki случајно ќе налета на нејзиниот дуќан за исполнување желби, со надеж дека ќе најде спас од духовите кои постојано ги гледа и го пратат секој чекор. Yuuko за возврат од него бара да ги работи секојдневните задачи во нејзиното домаќинство. И пропратно, случајно или не, Watanuki и неговиот соученик и подоцна заштитник Doumeki стануваат вклучени во сите барања и желби на посетителите на дуќанот на Yuuko. По пат во приказната се вклучени Himawari-chan, „љубовта“ на Watanuki, срамежливата Zashiki-warashi и нејзините мали компаниони на летечки бордови - Tengu и заштитнички настроената Ame-warashi, The Pipe Fox или Kudakitsune, лисицата со девет опашки, која повторно е тука да го штити Watanuki, „бездушните“ куклички Maru & Moro и нормално, неразделно поврзана за Yuuko, црната Mokona Modoki. И не знаете што е посимпатично - внимателно избраните карактеристики на ликовите и нивната улога во целосната приказна, едноставниот цртеж со ликовите со екстремно долги екстремитети, што мене лично ме освои, или самиот тек на приказните и поуките во секоја епизода, реалните проблеми раскажани низ духот на јапонскиот фолклор.

Приказната не заврши по краткиот филм Manatsu no Yoru no Yume (односно Midsummernight's dream) , кој намерно излезе паралелно со The princess and the birdcage, филмот на Tsubasa Chronicles. Продолжи со една сезона од 24 епизоди верна на мангата која сеуште е во тек, па излезе дополнителна сезона со наставка Kei од 13 епизоди, која подетално обработуваше некои ликови во мангата, па за на крај да се дополни и со Shunmuki, дводелно ОВА, која излезе паралелно со Tsubasa Chronicles: Shunraiki. Нормално, кога станува збор за CLAMP, незамисливо е некоја приказна да стои самостојно, а особено што Tsubasa Chronicles е миксот и некако врвот на сите претходни приказни, па следствено нормално е нејзините ликови да се вмешани и во оваа приказна. Всушност, патешествието на ликовите на Tsubasa започнува со помош на Yuuko. Па некако логично беше Shunmuki и Shunraiki да излезат заедно и некако да ја дообјаснат приказната за Syaoran и Sakura низ улогата на Yuuko, а особено на Watanuki. За среќа приказната не завршува тука, мангата продолжува да излегува, растејќи и зреејќи, а веќе е најавена и нова ОВА, се надевам за во блиска иднина.

Од (не)обична приказна за духовниот свет, xXxHoLiC прераснува во прекрасна приказна за сонот и она што стои позади границите на „реалниот“ свет, после животот и смртта низ оригинална артистичка визија. И јас сум цврсто убедена дека покрај мојата лична фасцинација од јапонскиот фолклор, xXxHoLiC е a-must-see, за било кој, поради целокупната вредност што ја има во аниме светот.

Белешка на авторот: screenshot-овите следат за кратко време

Read More

Crossed destinies part 2

Всушност, незнам со што да почнам попрво, со X или со Shunraiki и Shunmuki, посебно што за xxxHolic не сум пишувала на блогов. Па ајде тогаш за X.

Искрено, гледав се’ што најдов за X, најпрво ОВА-та, која повеќе ми изгледаше како промотивно пол-часовно видео, потоа серијата од 24 епизоди и на крај филмуваната верзија на мангата. Дури си дозволив да си ги проверам своите моќи на критичар па напишав и review на MAL ^^.

X е уште едно дело на CLAMP, чии ликови се појавуваат и во нивни други серии, дури и одредени елементи како пердувите во Tsubasa, бариерите на заштита во Chobits и сл.
Приказната е за крајот на Милениумот, кога доаѓа Армагедонот, Судниот Ден, и избраниот од Бога, Камуи, треба да одлучи за иднината на светот - дали ќе го уништи постоечкиот или ќе го заштити. Помалку мешавина на христијанството, дуализмот и теоријата дека целата земја е жив организам, накрај може да се опише како апокалиптична фантастична трагедија.

Приказната е (не)стандардна, за вечната борба на доброто и злото, и како таа борба не е црно-бела верзија, туку зад секоја страна стои „the greater good“ причина.
Мангата, за жал, не е завршена, откажана е заради големото насилство во неа, сцени на крв и убиство и приказна за крајот на светот. Анимето пак има малку посветла страна, што се избегнати крвавите сцени, иако насилството е малку потешко да се избегне. Иако започнува релативно мирно, со единствено нејасен, но очигледен личен конфликт меѓу Kamui и Fuuma, веднаш продолжува со сцени на смрт и притисок за избор на страната на уништување или заштита. A изборот навистина не е очигледен, секој од ликовите си има причина зошто е дел од Змејовите од Земјата или Змејовите од Небото. И тоа одлично се раскажува, пополека низ меѓусебните средби и конфликти на ликовите.

И ликовите од своја страна се одлично обработени, пресвртите и предавствата и менувањето на страните само зборуваат повеќе за тоа колку е морално тешко да се избери правилно, колку се големи жртвите што секој ги прави за спас на некој близок, колку работите едноствно се некаде помеѓу белото и црното. Ви станува јасно дека секој лик е посебен, не само поради очигледната физичка разлика и стилот на борба, туку поради нивните позадински причини, а тоа успешно е растегнато и раскажано низ сите епизоди.
Филмот пак со цел да раскаже приказна во час и половина, потполно поинаку ги води настаните и за жал, ако го гледате независно, практично нема да ви биде ништо јасно. Особено тагувам по фактот што не успеале воопто да ги доловат ликовите, а приказната води кон друга цел и поинакво финале. И тука некако јасно станува зошто не е завршена мангата. Како премногу да размислувале што, како, кој, кого, кому, кога.... прашаа има безброј.

Сепак, на крај, малку повеќе ми се разјасни приказната за Tsubasa Reservoir Chronicles, барем што се однесува на односот Kamui/Fuuma и Subaru/Seishiiro, и зошто во Tokyo Revelations би ги претставиле Kamui и Subaru како вампирите близнаци, a харизматичните браќа Fuuma и Seishiiro вечно во потрага по нив. Искрено, ги засакав уште малку повеќе, особено, мене сеуште омилениот пар Sorata и Arashi.

Read More

The crossed destinies part 1

Некако констатација е дека она што си го гледал или читал прво, тоа ти е омилено нешто. За мене, прво аниме што го загледав беше Tsubasa Chronicles, па соодветно, сум го рејтирала високо, иако не верувам дека ако го гледам пак, повторно би му дала толку висока оценка. После повеќе од година и пол интензивно гледање и повеќе од 200 гледани наслови ми се под-изоштрило критичарското (или критизерското) око, па 9-ки и 10-ки не „фрчат“ така лесно. Сепак, анимево сеуште ми останува како нејасна дамка и потсетување на што се’ би требало да погледнам за да ја разбистрам приказната.Приказната и не е нешто оригинално, но, и скоро сите ликови кои се вклучени, интересно, не се оригинални, туку ликови од веќе објавени манги и анимеа на славната четворка автор(к)и CLAMP. После нивно толкаво искуство со ликови во мангите како Tokyo Babylon и X, RG Veda, Magic Knight Rayearth, Kobato, Clover, Wish, CLAMP School Detectives, Angelic Layer, Carcaptor Sakura, Chobits, Mouryo no Hako, xxxHolic i Tsubasa Chronicles, логично е мислам нивната генијалност да биде искористена во изградбата на карактерите на Code Geass. Но, за тоа друг пат.
Главните ликови Syaoran и Sakura се ликови од Cardcaptor Sakura, но овој пат тие се повозрасни и со посериозна мисија. Kinamoto Touya и Fujitaka и овде се брат и татко на Sakura, принцот и кралот на царството Clow. Дури се појавува и Clow Reed - неверојатно моќниот маѓепсник. Принцезата Tomoyo од Tsubasa Chronicles (онаа во која е заљубен Kurogane - original BTW) е исто Tomoyo од Cardcaptor Sakura, овде малку порасната. Oд оваа серија е и Tsukishiro Yukito, и овде во функција на пријател на Touya, а дури се појавува и Keroberos. :)))
Sakura, Syaoran и Tomoyo се појавуваат и во xxxHolic како споредни ликови.

Ѕвездата од xxxHolic пак, Ichihara Yuuko (тоа мора да излезе некој посебен пост, заслужува), the witch of the dimensions, се појавува во потполно исто светло, служена од Watanuki Kimihiro и со црната Mokona до себе.

Дури и споредните ликови:
Chii, која овде е партнерка на Fai (also original, BTW), Kotoko и Sumomo (сега во џиновска, наместо во минијатурна верзија) се persocom-и од Chobits. Дури се појавува и газдарицата на Hideki - Chitose.
Мене омилениот пар Arisugawa Sorata и Kishu Arashi, кои повеќе пати се појавуваат, секогаш вљубени, се ликови од X. И учителот на Syaoran, неверојатно интригантниот Sakurazuka Seishirou, кого едвај чекате пак да се појави е лик од Tokyo Babylon и X. Дури и моќниот Asagi Shogo и Nekoi Yuzuriha и кучето Inuki, се ликови од X. Со кратки улоги во Тsubasa Chronicles: Tokyo Revelations, се појавува практично целата екипа на X, Sumeragi Subaru, како еден од вампирите-близнаци и харизматичниот Shirou Kamui, и уште Fuuma, Nataku, Seiichiro, Yuto, Satsuki и Kakyo - the dragons of Earth

Akira, Suoh и Nokoru се споредни ликови од X и Tsubasa Chronicles, но главни ликови во CLAMP Gakuen Tanteidan.
Божествата Ashura и Yasha-ou, Богот Ashura-ou од кого цело време бега Fai и Karura-ou, како и game character-от Ryuu-ou сите се ликови од RG Veda.
Попатните ликови на Принцезата Emeraude (овде Esmeralda), Caldina, Primera се ликови од Magic Knight Rayearth
Дури и Oruha од мангата Clover и овде се појавува со прекрасен глас.
Се надевам само дека не пропуштив нешто :)))
Се уморив искрено, 2 саати го пишував постов. Што се однесува до мене, не мора ни да го читате, сепак е за мој ќеиф :))

А што се однесува до ликовите here's a little piece of candy for all you CLAMP fans ^_^

Read More