Trigun Intro

WANTED - Vash the Stampede - It is assumed that he is approximately 24 years old, yet rumors about his height and appearance are unclear and he has no permenant home. He is most definitely a rebel; a worst case master, and a murderer without equal. He is of "G" class ability; able to personally wreak terrible havoc on a mass scale. Anyone who brings him in, dead or alive, will be rewarded a sum of 60 billion $$. One further note; he is also a staunch pacifist.
Ова е нешто што го читам/гледам во моментот и дури ми се свежи впечатоците, решив да објавам пост. Приказната е нешто како sci-fi western, авантура, драма, комедија, може да се сврсти и во еден жанр, наречен steampunk (ако не ви се google-a, тоа значи sci-fi, фантазија во времето на парните машини - 18., 19. век, нешто како книгите на H. G. Wells - Time machine, War of the worlds....).
Trigun е приказна за Vash, потполно откачен револверист, кој наводно уништил сам цел еден град, па издадена е потерница по него во вредност од 60 милијарди дупли долари (тамошна валута). Се се одвива на планета која не е Земјата, ама сепак е нешто како Дивиот Запад. И се ќе беше во стилот на "The Good, the Bad, and the Ugly", ако дечково не беше goody-goody, со мото "love and peace", не сака никого да убие, плаче, цивка и се ака од земја цело време. Но, за да биде интересно, уфрлен е sci-fi дел во приказната, со елементи во стилот out of time & out of this world. На крај се се сведува на борбата меѓу доброто и злото, низ прашањата за споствените и туѓите морални кодови, дали и кога да ги предадеме своите вредности, за тоа дали можеме да одземеме друг човечки живот (кој во американските live-action вестерни е практично безвреден)
Засега можам да кажам дека серијалот има аниме во 26 епизоди, од 1998 г.- сосема доволно за раскажување на една приказна, и манга во два дела - 3 оригинални тома од 1995-97, и 15 "максимум" (само заради промената на издавачот на мангата) од 1998-2007.
Јас одлично се забавувам, дефинитивно серијал за одмарање на мислите - чиста забава.
Повеќе инфо во некој нареден пост, кога ќе довршам нешто. BTW, ако сакате да го гледате/читате серијалот, не ви препорачувам да читате повеќе информации за него - too much info is definitely a "spoiler"

Read More

Spirited Away - ликови

Chihiro Ogino/Sen (荻野 千尋, Ogino Chihiro) 10-годишното девојче кое е носител на главното дејствие во филмот. Во светот на духовите, таа го губи своето име и го добива името Sen. Во јапонската ортографија Sen е алтернативно читање на првата канџа Chi од името на Chihiro, и двете со значење 1000.

Haku/Nigihayami Kohaku Nushi (ハク/ニギハヤミコハクヌシ, Haku/Nigihayami Kohaku Nushi) е момче кое ја штити Chihiro, иако често се однесува грубо со неа. Тој има моќ да се престори во змеј и да лета. И тој како Chihiro го изгубил името и станал слуга на Yubaba, а Chihiro му помага да се сети кој е.
Yubaba (湯婆婆, Yubaaba, lit. "bath crone" = старица од бања, топла вода). Нацртана е со ненормално голема глава и нос, прикажана како исклучително авторитарна, но и алчна личност. По нешто наликува на Кралицата Срце од Алиса во земјата на чудата. Yubaba има сестра близначка Zeniba, која е нејзина потполна спротивност
Kamajii (釜爺, lit. "boiler old man") е ликот кој работи во котларницата на бањата, со своите 6 раце и помошниците, топчињата од саѓи кои му носат јаглен за бојлерот. Тој ја прима Chihiro кај себе и и помага да го спаси Haku. Со своите бушави кафеави мустаќи и црните наочари наликува на пилотот на пиратите од Laputa: castle in the sky. Наводно личи и на Doctor Eggman, непријателот на Sonic (??? мене ама ич не ми личи, којзнае...)
Kaonashi (カオナシ lit. 'No Face') e еден од препознатливите ликови во филмот. Тој е чуден, осамен дух, без лице, кому Chihiro му се допаѓа. Во надеж дека ќе се спријатели со некого, тој почнува да дели злато и за возврат проголтува се што му е на патот. Chihiro, нормално, успева да му најде дом и пријатели. Маската која ја носи потсетува на маските од јапоснкиот Noh театар.
Boh (坊, Bō, "young child") e синот на Yubaba кој е всушност бебе, но е физички двапати поголем од неа. И неговото однесување е како на бебе, зашто мајка му претерано го разгалува. Zeniba го претвора во дебел глушец, кој одвај се поместува без помошта на една мува (смалената птица на Yubaba). Во текот на приказната тие се спријателуваат со Chihiro и и помагаат да се сети на своето име. За мене беа вистински comedy relief во филмот. Да и Kashira (カシラ, Kashira) алармниот систем на Yubaba, трите зелени глави без тела кои скокаат наоколу и мрморат :)На крај, филмот е одличен, ликовите се одлични, приказната е одлична... цртежот, боите...

Може да најдете сличности со Neverending story, да речете дека е поборник за чиста околина, дека е критичар на алчноста, дека е филм за созревањето. И ништо од тоа не е ни блиску до фактот дека, барем за мене, тоа е еден од најдобрите аниме филмови на сите времиња.

Read More

Spirited Away

"For the people who used to be 10 years old,
and the people who are going to be 10 years old."
--Hayao Miyazaki

Најдобриот филм на Miyazaki најверојатно по профит, гледаност и награди е дефинитивно Spirited Away (千と千尋の神隠し, Sen to Chihiro no Kamikakushi,2001, lit. Sen and Chihiro's spiriting away). Филмот е добитник на Oscar за најдобар анимиран филм, прво аниме во историјата кое добило ваква награда, и добитник е на Златна мечка на Берлинскиот филмски фестивал во 2002г.

Накратко, филмот е авантура-фантазија за 10-годишната Chihiro која случајно од секојдневието на Јапонија низ мистериозен тунел ќе влезе во потполно поинаков свет, во Земјата на Духовите. Нејзините родители ќе бидат претворени во свињи од алчната вештерка Yubaba. За да ги спаси, таа мора да го предаде своето име (и станува Sen) и мора да служи и да работи мачни задачи во бањата на 8 милиони богови. За нејзина среќа тука се нејзините пријатели, особено мистериозното момче Haku, кое таа го препознава од своите сеќавање. Chihiro / Sen од плачливо девојче израстува во силна, одговорна личност која на крај успева да го најде патот до дома.

Значи, нема момент во филмот кој нема да го запаметите, потполно ви го опфаќа вниманието, фантастично. Се чувствувате како да сонувате, и ништо не ви е јасно, се до крајот, кој ќе го дочекате насмеани. Искрено го препорачувам!!

Read More

Dub или sub?

Прво, пред да почнете да гледате некое аниме, постои прашањето дали да се гледа со англиски dub, или да се гледа со јапонски dub и англиски subtitles?
Можеби за нас е полесно да ги слушаме разговорите на англиски, или некој друг европски јазик (верувајќи дека се поблиску до оригиналната претстава), полесно е да се концентрираме на сликите и изразите, движењето и самата акција, наместо на текстот преведен на некој познат јазик, кој оди под нив. Но, во оној момент, кога за прв пат ќе го погледнете анимето во неговата оригинална аудио верзија, добивате потполно поинаква слика, која толку ќе ве воодушеви (кај мене дури се јави фасцинација од јапонската аудио верзија, што сега она аниме кое го наоѓам со англиски dub веќе не го ни погледнувам, додека не најдам некое кое е dual audio - со англиски и јапонски dub). Имињата на карактерите, изразите, извиците, воздишките, лутењето, радувањето.... слушнато на оригиналниот јазик ви дава сосема поинаква слика за карактерите, за акцијата, за комплетната сцена, па дури и за целото аниме.
Затоа, мој предлог - ако сте навистина љубител на аниме и манга - japanese dub, english sub! Вистинска комбинација!

Read More

Hayao Miyazaki

Па, мора од некаде да се почне, а за мене почетокот е Hayao Miyazaki. За прв пат почнав да се интересирам повеќе за аниме и манга, после Princess Mononoke (Mononoke-Hime). Така го открив еден од најголемите аниматори и режисери на Јапонија. Го нарекуваат јапонски Walt Disney заради посветеноста кон анимацијата.

Роден е во Токио 1941г, во фамилија кога во текот на Втората Светска војна поседувала авио-компанија (неговата љубов кон авионаутиката и летањето е дел од сите негови филмови).Иако завршува студии по економија и политички науки, поради големата љубов кон цртањето и неисцрпните идеи за нови аниматорски теми, во 1963г. ја започнува својата богата аниматорска кариера во студиото на Toei Douga. Потоа во започнува да работи со својот понатамошен долгогодишен партнер IsaoTakahata и станува дел од најголемите аниматорски студија во Јапонија. Во меѓувреме се жени за колешка аниматор со која има два сина.
Со Takahata во 1985 г. го основа и студиото Ghibli (Sutajio Jiburi - по името на италијанските авиони над Сахара во Втората Светска војна), по големиот успех на Nausicaa of the valley of the winds (Kaze no tani Naushika). Во логото го гледате Totoro еден од анимираните ликови на Miyazaki. Речиси сите филмови и серии се режирани, продуцирани, напишани и цртани од Miyazaki.
Веројатно најголемиот успех го има Princess Mononoke, со дотогаш најголем профит на box-office и еден Оскар, меѓутоа, тој успех беше засенет после кратко време од Spirited away (Sen to Chihito no kamikakushi).

Trademark на Hayao Miyazaki

• темата во неговите филмови е често поврзана со природата, загадувањето, екологијата, а многу често е и анти-воена
• многу често во неговите филмови има летање како тема, или како способност на некој од ликовите
• најчесто има два главни ликови, момче и девојче, од кои едниот лик има некои надприродни способности и дарби
• ликовите се најчесто инспирирани од вистински ликови од животот на Мiyazaki
  
• многу често во неговите филмови ликовите патуваат на места кои се забранети или недостапни како табу
• Летачките машини, и сите чудни направи најчесто ги управуваат чудни машки ликови (пр. Kamaji во котларницата во Spirited away)
  
• Miyazaki смета дека за да биде една компанија силна, треба да им се даде шанса на жените да работат, што го истакнува и во своите филмови (Mononoke, Porco Rosso)
• ја сака својата работа рачно нацртана иако знае дека тоа е занает кој изумира за жал, и дозволува најмногу 10% да биде CG (computer graphic / computer generated)
  
• Филмските сцени често ги сместува во јапонска визија на европските градови.
  

Read More

Жанрови....еден тон

Сите љубители на аниме-то знаат дека има многу жанрови, многу тематски елементи во самата приказна. Па затоа, една серија може да се категоризира во повеќе жанрови. Може да има на изглед едноставна тема, но во исто време да содржи многу комплексна, длабока приказна и развој на карактерите.

Така, едно аниме со акциона тема исто така содржи хумор, романса, драма. И обратно, аниме со романтична тема може да има акциони елементи, дури и елементи на брутално насилство. На пр. Neon Genesis Evangelion може да се смести во следните жанрови: пост-апокалипса, sci-fi (научна фантастика), mecha, драма итн.

Па да се обидиме да ги организираме во неколку главни категории:

• Акција/авантура - примарно се фокусира на битки, војни, физички натпревар со боречки вештини, оружја и сл. (Naruto, One Piece...)
• Базирана на игра - најчесто со игра на карти или друга друштвена игра (Yu-Gi-Oh!...)
• Драма - најчесто со висок степен на емоција и развој на ликовите (Fushigi Yuugi, InuYasha...)
• Хорор - надприродна, мрачна тема (Hellsing, Vampire Hunter D, Blood+,...)
• sci-fi - со футуристички елементи, наука и технологија (Ghost in the Shell...)
• прогресивни, уметнички - најчесто премногу стилизирани

Кога се запознавате со анимето или мангата, многу често е наведена демографска категоризација, во однос на целната публика:

• shoujo (што во буквален превод од јапонски значи ќерка, млада дама, мала девојка) - наменети за девојчиња - Fruits Basket...
• shounen (јапонски збор за младо момче) - Dragon Ball Z, Digimon...
• >seinen (млад човек, во врв на младоста) - наменети за тинејџери - Cowboy Bebop...
• josei (млада жена, девојка) - Clover...
• kodomo (дете) - Hello Kitty...

Притоа, не знам зошто некоја млада девојка не би го гледала Bebop, или некој дечко не би гo гледал Clover - значи, не се ограничувајте...

Е сега, најинтересната категоризација - тематската.

• sentei = избор на херои, боречки тим = токму тоа што значи и самиот наслов, тим од борци, воини, суперхерои - Cyborg 009, Ronin Warriors...
• robot/mecha = humongous, real, super (подкласи), најчесто содржат борбени роботи, возила, и сл. - Mobile Suit Gundam, Mazinger Z, Patlabor...
• post-apocalyptic = пост-апокалитичен свет - Nausicaa of the valley of the wind, Neon Genesis Evangelion...
• bishoujo = убава девојка = се однесува на карактерите, а не на публиката. Секогаш кога е можно користи атрактивни млади женски ликови - Magic Knight Rayearth, Sailor Moon,...
• bishounen = убаво момче = важи истото. Само што најчесто главните ликови се млади момчиња - Fushigi Yuugi, речиси сите аниме на CLAMP...
• mahou shoujo = магична девојка = девојки со надприродни моќи - Sailor moon, Cardcaptor Sakura,...
• mahou shounen = магично момче = соодветно, момочиња со надприродни моќи - D.N.Angel,...
• mons = monsters, чудовишта = кога се користат чудовишта како моќи, и партнери во битка - Digimon, Pokemon, Shaman king...
• meitantei = детектив = детективски приказни - Detecetive Conan,...
• moemoe = ликови кои се слатки, наивни, симпатични, некогаш со сексуална конотација - Chobits, Azumanga Daioh,...
• kaitou = мистериозен крадец = најчесто ликови кои со криминалот шармираат и се симпатични - Lupin III, Cat's eye...
• slice of life = секојдневни настани, нешто како Real life - Azumanga Daioh,...
• expertise = спортски, уметнички настани, турнири, натпревари - Тouch, Initial D...

И еден дел кој исто така е многу распрoстранет во сексуално неограничувачката Јапонија, кој би можел да биде интересен за некого, (во зависност од исполнетоста на сопствениот сексуален живот), па само ќе ги набројам одделните жанрови во една класификација со порнографска содржина (не дека сум поддржувач на овие жанрови, туку заради толерантност и разбирање за странски култури, whoosh...)...значи, да не должиме многу.. :)
- Lolicon(Lolita complex - малолетни девојчиња), Shotacon (shoutarou complex - малолетни момчиња), harem (не мора да има сексуални активности), reverse harem, magical/exotic girlfriend (не мора да има сексуални активности, девојката е најчесто вонземјанка,итн) , ecchi (непристојна сексуалност, често со комични елементи), hentai (erotica, porno), shoujo-ai (girl-love, хомосексуалност), shounen-ai (boy-love, хомосексуалност), yaoi (shounen-ai, ама со постари ликови)

Ако *случајно* ве здоболе глава од сите жанрови, мој совет е кога ќе пребарувате датотека на аниме или манга, барајте shounen, seinen, sentei, mecha, horror, action/adventure, sci-fi..... гарантирам забава....

Read More

Што е манга, а што аниме?

Зошто ги сакаме јапонските цртани? Заради ликовите со големи очи, големи коси, долги раце и нозе... Заради јапонските kanji i kani (јапонското сликовно писмо) , заради ефектите на заљубеност,брзина, клучен момент, драматичност, и секако - мноооогу КРВ... Или заради приказната за гордоста, честа, долгот, посветеноста, борбата на доброто и злото (во која ќе најдете од самурајски мечеви upgrade-овани со незнам какви моќи, преку најразлична магија и илузија, до карти, вртимушки, и други детски играчки), целта која изгледа недостижна, иако заслужена (ах...херојот се бори едно 200 епизоди, коли, беси, се живо и диво, и по пат плус и ќе се заљуби и никако да си го добие мечот, на пр. по кој тргнал во првата епизода).... или едноставно - за чиста, незаборавна, неверојатна >>ЗАБАВА<< !!

Но прво, да објасниме дека постои толку едноставна разлика помеѓу манга и аниме: (прати сега - btw, сликите се од манга и аниме Fullmetal Alchemist)
Манга (漫画, Manga) е јапонски збор за стрип. И исто така битно, освен кориците на стрипот, цртежите се најчесто црно-бели, а текстот се чита од десно на лево. Денес во останатиот дел од светот, е поим за сите стрипови кои потекнуваат од Јапонија.

Аниме (アニメ, Anime) се однесува на стилот на анимација кој потекнува од Јапонија. Аниме-то најчесто се емитува на ТВ или се продава на DVD после нивното емитување или директно како оригинална видео анимација (OVA - original video animation, ). Понекогаш и игрите наменети за компјутер или за разните гејмерски конзоли содржат делови или сцени кои би можеле да се окарактеризираат како аниме (попознати како синематици, ако некој не е упатен).
Еден мал дел од сите манга стрипови се адаптира во аниме (оној кој заслужил по оригиналност, приказна и начин на цртање, кој едноставно, често во соработка со оригиналниот автор на манга-та. На ист начин се развиваат и компјутерски игри (за жал најмногу за конзоли, многу, многу ретко за PC).
Често, заради подобар ефект, манга-та и аниме-то со исти карактери, имаат ист почеток, но во даден момент приказната скршнува во друг правец, па и завршува поинаку. Најчесто, ако значи дека е емитувана последната епизода од аниме серијата, не значи дека е издадена последната глава од манга стрипот. Некогаш меѓу нив има години разлика.
Кон популарните аниме наслови често се приклучуваат и долгометражни цртани филмови (кои добиваат делови, како што добива Роки, Терминатор, или Умри машки, негокаш и дури 13 дела во случајот со Dragonball), а понекогаш и играни филмови и телевизиски програми (некои, случајно, се навистина добри).

Read More

Претставување

ОК, значи тоа било БЛОГ...
Ете, никогаш не е доцна да научиш нешто. И да допринесеш овој виртуален свет да биде уште побогат со небитни работи. (ха-ха)
Ама како кому. Додека некој е потполно незаинтересиран за глобалната мрежа и сите т.н. небитни работи, некој троши 100ГБ месечно да чита манга стрипови и да гледа аниме цртани. (Фала многу на МТ.нет и новите пакети на МаксАДСЛ што ми го овозможија ова)
Ете тоa е... Што друго да ви кажам - се надевам дека некогаш некој случајно или намерно ќе налета на блог-чево, и ќе ја сподели со мене љубовта кон Јапонија, јапонскиот јазик, а пред се - ЈАПОНСКИТЕ ЦРТАНИ ФИЛМОВИ И СТРИПОВИ!!! (да, точно, јасно и гласно кажувам - зависник од манга и аниме - енд прауд ов ит!! )
А јас ветувам дека се она што ќе успеам да го прочитам или погледнам ќе ви го презентирам овде, можеби ќе се најде понекоја графика, па одвреме-навреме... ќе биде интересно!

Поздрав

Read More